२४ साउन दुहबी/ सुनसरीको दुहबी नगरपालिका प्रमुख बेदनारायण गच्छदारको अध्यक्षतामा आज बसेको त्रीपक्षिय बैठकले दुहबी नगरपालिका प्रमुख बेदनारायण गच्छदारकै अगुवाइ रहने गरि दुहबी नगरपालिका ,गढी गाउपालिका र बुढिगङ्गा गाउपालिकामा उत्सर्जन भएका ठोस फोहरमैला ब्यावस्थपन गर्ने निर्णय सहितको सहमति पत्रमा तीन ओटै पालिका प्रमुख हरुले सामुहिक हस्ताक्षर सम्पन्न गरेका छन।
दुहबी नगरपालिकामा सम्पन्न उक्त बैठकमा नगर प्रमुख गच्छदार ,बुढिगङ्गा गाउपालिका अध्यक्ष बाल चन्द्र माझी,गढी गाउपालिका अध्यक्ष श्रीप्रसाद यादब,प्रमुख प्रशासकिय अधिकृत बिनोद न्यौपाने,प्रदेश सरकार को प्रदेश सहयोग कार्यक्रम का टिम लिडर बिनोद प्रसाद उपाध्याय ,प्राबिधिक बिज्ञ मुन्केस्वर ठाकुर लगायतको उपस्थित रहेको थियो।
उक्त छलफलमा गढी का अध्यक्ष यादबले सहजै हस्ताक्षर गरेतापनी बुढिगङ्गा गाउपालिका अध्यक्ष माझिले विभिन्न कारण देखाइ सुरुमा हस्ताक्षर गर्न मानेका थिएनन। विभिन्न सर्त राख्दै निकै समय सम्म हस्ताक्षर नगरेतापनी दुहबी नगरपालिका प्रमुख बेद गच्छदारको दुरदर्शिता साथै जनताको बिकास ,स्वास्थ र समृद्धि सहितको दुरगामी भिजन सहितका प्रस्टोक्ती सुनेपछी अन्ततः राजिखुसी सहित हस्ताक्षर गरेका थिए।
बुढिगङ्गा ५ मा रहेको दुहबी नगरपालिकाको साढे ३ बिगाह जग्गामा निर्माणाधिन फोहोर मैला ब्यावस्थापन केन्द्र लाई देशकै नमुना केन्द्रका रुपमा प्रवर्द्धन गर्दै लैजाने उदेश्यले मेयर गच्छदारले तिनवटै पालिकाका लाई एउटै केद्रबिन्दु मानेर नितिगत फोहरमैला ब्यावस्थापन,जनचेतना अभियान समेत सन्चालन गरिने बताए।
एककरोड ५६ लाख पर्ने दैनिक ५ टन प्रसोधन गर्न सक्ने नेपालकै पहिलो अत्याधुनिक प्रसोधन मेशिन खरिद प्रक्रिया अगाडि बढिसकेको बताउदै गच्छदार ले उक्त फोहरमैला ब्यावस्थापन केन्द्रका लागि UNDP ले डेढ करोड देखि २ करोड ५० लाख सम्म सहयोग गर्ने वचन बद्दता जाहेर गरिसकेको साथै अहिले स्विस कन्टाक्ट र प्रदेश १ सरकार को प्रदेश सहयोग कार्यक्रम ले पनि २ करोड सम्मको भौतिक पुर्वाधार र क्षमता अभिबृद्दी साथै प्राबिधिक सहयोग,सचेतना कार्यक्रम लगायत सन्चालनका लागि थप आर्थिक सहयोग गर्ने बताएका छन।
