२७ चैत, दुहबी। सुनसरी को दुहबी नगरपालिकाको आर्थिक सहयोग र बाताबरण संरक्षण तथा दक्ष जनशक्ति बिकास केन्द्र दुहबी ८ ले आयोजना गरेको १ महिने कृस्टलका गहना तथा हस्तकला तालिम सम्पन्न भएको छ। लघु उध्धम बिकासकोस मार्फत सन्चालित उक्त कार्यक्रममा वडा नम्बर ८ का गरिब तथा बिपन्न बेरोजगार महिला हरुको सहभागिता रहेको थियो।
कार्यक्रममा बोल्दै प्रमुख अतिथी नगर प्रमुख बेद गच्छदारले यश बर्षको कार्यक्रम ६ वटा वडामा सन्चालन भैसकेको साथै बाकी वडाहरुलाई आगामी आर्थिक बर्षको सुरु खण्डबाट नै द्रुत रुपमा अगाडि बढाउने प्रष्ट पारेका छन्। गच्छदारले नगर भरिका १२ वटै वडाका बिपन्न, दलित, बेरोजगार महिलाहरुलाइ आर्थिक रुपमा आत्मनिर्भर साथै स्वाभालम्बन बनाउने उदेश्यले नगरपालिकाले यस्ता कार्यक्रम गरेको साथै सीप सिकेर दक्ष बनेका महिलाहरुले तत्कालै समूह गठन गरि ब्यावसाय सन्चालन गर्न आग्रह समेत गरेका छन्।
गच्छदारले सोनापुर ८ मा संचालित कृस्टलका गहना बनाउने तालिमका सहभागीहरुले ब्यावसायिक रुपमै अगाडि बढिसकेको हुदा आफ्नो तर्फबाट ब्यावसायीहरुको प्रोत्साहन साथै ब्यावसाय प्रवर्धन गर्न एक लाख भन्दा माथी सहयोग गर्ने वचन बद्दतासमेत जनाएका छन। यस्ता खाले तालिमहरु आगामी दिनमा थप रुपमा ब्यावस्था गर्दै नगरलाई नै उत्कृष्ट आर्थिक रुपमा सम्पन्न बनाएरै छाड्ने वचन बद्द्ता जनाएका छन्।
कार्यक्रम वडा नम्बर ८ का कावा अध्यक्ष बिनय दाहल समेतको उपस्तिथि रहेको थियो भने कार्यक्रमको समापन सस्थाकी अध्यक्ष लक्ष्मी ठाकुरले गरेकी थिइन् ।
