दुहबी/सुनसरीको दुहबीमा शेयरबजार सम्बन्धी १ दिने आधारभुत तालिम समपन्न भएको छ।
क्रिएटिव यूथ नेपाल दुहबीको आयोजनामा दुहबी स्थित दिनेश मेमोरियल हलमा भएको तालिममा ४५ जना यूवा यूवतीहरुको सहभागिता रहेको थियो।
वित्तिय सल्लाहकार तथा प्रशिक्षक सुवासचन्द्र भट्टराईले शेयरबजारको महत्तवको बारेमा जानकारी दिदैं प्रशिक्षण दिएका थिए। आर्थिक विकासकालागि लगानीकर्तालाइ शेयरबजारमा ल्याउन जरुरी रहेको उनले बताए। क्रिएटिव यूथ नेपालका अध्यक्ष युवराज चौधरीले शेयरबजारको आधारभुत तालिम कार्यक्रमको बारेमा प्रकाश पार्दे यस क्षेत्रका स्थानियहरुमा बित्तिय साक्षरता तथा बित्तिय स्वतन्त्रता सम्बन्धी जागरण गराउँदै शेयर बजारमा लगानी गरी आम्दानी गर्दै आर्थिक उन्नती गर्न तालिम सञ्चालन गरिएको बताए।
क्रिएटिव यूथ नेपालका सदस्य रिता चौधरीले स्वागत मन्तव्य दिएकी थिइन भने क्रिएटिव यूथ नेपालका सचिव प्रबिण अग्रहरीले कार्यक्रम संचालन गरेका थिए ।
पछिल्लो समय नेपाली पूँजीबजार आधुनिकतातर्फ अगाडी बढिरहेको छ। सिडिएस एण्ड क्लियरिङले डिम्याट शेयरकोमात्र कारोबार सुरु गर्नु, खारेजी, कारोबार रोक्का, निलम्बन र मर्जरमा परेका गरी ४० कम्पनी बाहेक कारोबारमा सक्रिय १ सय ७२ कम्पनी अर्थात् ९९.९८ प्रतिशतको शेयर डिम्याट भइसक्नु, धितोपत्र ब्रोकर कार्यालयमा ज्येष्ठ नागरिक, महिला, बालबच्चा, अपांग र साना लगानीकर्तालाई कारोबारका लागि छुट्टै विन्डोको व्यवस्था गरिनु, ब्रोकर र मचेन्ट बैंकरको कार्यालयमा आफूले दिने सेवा र समय उल्लेखित सेवाग्राही बडापत्र, गुनासो सुन्ने एकाइ र नियम पालना अधिकृत नियुक्त गर्नु र स्वचालीत अनलाइन कारोबार सुरु गर्नुले नेपालको पूँजी बजार आधुनिकतातर्फ गएको मान्न सकिन्छ।
