दुहबी,फागुन २१ गते । सुनसरीको दुहवी नगरपालिकामा केन्द्रिय कार्यालय रहेको फरवार्ड माईक्रोफाईनान्स लघुवित्त वित्तीय संस्था लिमिटेडले २२ करोड ५० लाख मुनाफा कमाएको छ ।
फरवार्डले आफ्नो आठौं वर्षिक सधारण सभामा प्रस्तुत गरेको वार्षिक प्रतिवेदन अनुसार संस्थाको मुनाफा २२ करोड ५० लाख रुपियाँ रहेको जनाएको छ । संस्थाले सुनसरी सहित ३९ जिल्लाको १४९ शाखा मार्फत वित्तिय कारोबार गर्दै आएकोमा यो आर्थिक वर्ष २०७६/०७७ मा १५ अर्व ३ करोडको कारोवार गरेकोमा सो बराबरको मुनाफा कमाएको जनाएको
छ।
संस्थाको वार्षिक प्रतिवेदन प्रस्तुत गर्नुहुदै संस्थाकी अध्यक्ष भगवती चौधरीले वित्तिय संस्थाको माध्यमबाट बचत , ऋण तथा सामाजिक र आर्थिक सशक्तिकरण गर्दै सामाजिक सेवा सहितको काम गर्दा यो वर्ष २२ करोड मुनाफा भएको बताउनुभयो नुभयो । वहाँले लेखा परीक्षण प्रतिवेदन, वार्षिक प्रतिवेदन र विभिन्न प्रस्ताव पारित गर्दै आठौ सधारण सभा सम्पन्न भएको बताउनुभयो।
फरवार्डका प्रमुख कार्यकारी अधिकृत आशनारायण चौधरीले संस्थाको प्रगती विवरण प्रस्तुत गरेका थिए।
सभाको उद्घाटन कार्यक्रममा पुर्ब प्रतिनिधिसभा सांसद शान्ति बस्नेत, फरवार्डका संचालक सरिताकुमारी दाहाल, आषुतोश शर्मा, बलराम चौधरी, जगतजंग जिसी, शान्ती बस्नेत अधिकारी, कलावती चौधरी लगायतकाले शुभकामना मन्त्वय राख्नुहुदै संस्थाले छोटो समयमा राम्रो प्रगति गरेकोमा प्रसंशा समेत व्यक्त गरेका थिए ।
सम्पन्न भएको सधारण सभाले संस्थालाई थप विकास र विस्तार गर्दै लाने प्रस्ताव पारित गरेको छ ।
कार्यक्रममा दिएको जानकारी अनुसार संस्थामा सात सय ९६ जना कर्मचारी, दुई लाख ६० हजार ९८७ ग्राहक र एक लाख ४६ हजार २० जना ऋणि रहेका छन् ।
