दुहबी / सुनसरीको दुहबी नगरपालिकामा जारी तेस्रो मेयरकप फुटबल प्रतियोगिताको शनिवार भएको अन्तिम क्वाटर फाइनल खेलमा दुहबी वडा नम्बर ४ ले दुहबी वडा नम्बर ९ लाई २–० गोल अन्तरले पराजित गर्दै सेमीफाइनलमा प्रवेश गरेको छ। खेलको २७ औं मिनेटमा दुहबी वडा नम्बर ४ का खेलाडी श्रवण ऋषिदेवले १ गोल गर्दें आफ्नो टिमलाइ अग्रता दिलाएका थिए। खेलको ८३ औं मिनेटमा दुहबी वडा नम्बर ४ कै खेलाडी पुर्ण लिम्बुले १ गोल गर्दै बिजय सुनिश्चित गरे । दुहबी वडा नम्बर ४ का खेलाडी श्रवण ऋषिदेव खेलको म्यान अफ द म्याच घोषित भए। उनलाइ दुहबी वडा नम्बर ९ का वडाध्यक्ष मेंहदी हुसैनल नगद २ हजार तथा मेडल प्रदान गरेका थिए। आइतवारको पहिलो सेमी फाइनल खेल दुहबी वडा नम्बर ६ र दुहबी वडा नम्बर ७ का बिच हुने तथा फाइनल खेल यहि माघ २८ गतेका दिन हुने आयोजक दुहबी नगरपालिकाले जनाएको छ । प्रतियोगितामा प्रथम हुने वडाले उपाधी सहित १ लाख १ हजार नगद तथा शिल्ड मेडल प्राप्त गर्नेछन् भने दोस्रो हुने टिमले ५१ हजार नगद तथा शिल्ड मेडल प्राप्त गर्नेछन्।
