दुहबी/सुनसरीको दुहबी वडा नम्बर २ कि सीता बिश्वासलाई आत्महत्या गर्न बाध्य पारेको आरोपमा गढी गाउँपालिका वडा नम्बर २ भमरिका दिवसनारायण थन्दारललाइ १० महिनापछि दुहबी प्रहरीले पक्राउ गरि आत्महत्या दुरुत्साहन मुद्दामा ७ दिनको म्याद थप गरेको छ।
१० महिना अगाडी सीता बिश्वासले सुसाइड नोट लेखी आत्महत्या गरेपछी आफन्त पक्षले आत्महत्या दुरुत्साहनको मुद्दा चलाउन ईलाका प्रहरी कार्यालय दुहबी अगाडी नाराबाजी गरेपनि दुहबी प्रहरीले आत्महत्या दुरुत्साहनको उजुरी लिएको थिएन। एक महिना अगाडी फेरि सोही सुसाइड नोटको आधारमा दुहबी प्रहरीमा उजुरी दिएपछि अहिले आएर मुद्दा दायर भएको मृतकका बुवा धर्मनारायण बिश्वासले बताए ।
मृतकका बुवाका अनुसार आफ्नो छोरीका श्रीमान दिवस बिश्वासले शाररिक र मानसिक यातना दिइ रहेको र अन्य केटिसंग नाजायज सम्बन्ध रहेको कारण आत्महत्या गर्न बाध्य पारेपछि सुसाइड नोट लेखी आत्महत्या गरेको बताए।
